Mother's Day 2021

今日英國母親節，想借個機會讚下我英國既mother-in-law 佢既父親係英國人，母親係香港人，佢自己香港出生，十幾歲前都喺香港生活，所以講到幾句廣東話，去Chinatown 飲茶一出口就嚇到香港既侍應。 細個最喜歡去香港戲院睇功夫片，成日同我講嗰個年代所有戲都係講復仇。

佢對香港有認識同理解，但因為十幾歲後已回流英國，所以不論口音，想法，價值觀都係地道既英國人。平時溝通主要用英文，有時佢會特別講一兩句得我明既。我好朋友見過佢話佢講英文好有headmaster feel 。

聽佢同銀行之類講電話，佢認真起黎有英式嗰種好有禮貌地俾到壓力人叫人做野既感覺，我諗我學多幾年都未學到呢種英式telephone manner。

我既mother-in-law係我自己阿媽同外婆外我認識既人中最tough 既女人，做事認真又勤力，又錫仔女，而且非常護短，之前寫過一篇關於我喺英國學車時發生既一件不愉快經歷 ，都係佢同我既好朋友陪我去報警面對的，我真心覺得有呢個mother-in-law 係我既福氣。

佢已經咁好了，但更好既係佢為咗我關注香港既新聞，呢一兩年發生既事都好清楚，有段時間仲會喺啲英國expat 群組同人網上罵戰佢又會關心我香港既家人幾時黎。

呢7年半黎我老公既家人對我既歡迎同愛護令我很快融入英國生活，我好多謝佢地祝英國既母親「母親節快樂！」