Lockdown 後遺症

Lockdown on and off 咗一年多，對英國好多人既生活帶來好大既影響。最近同大半年無見的、我老公既外公再見面感受很深。前一排，都耳聞佢出咗事，話說有一晚，佢打電話俾我奶奶，話佢屋企有幾個人闖入，令我奶奶大為緊張，畢竟喺英國target 獨居老人既賊人都係有既，於是幫佢報咗警。警察都大為緊張，send 咗4架警車去，但當警察到達現場，㦗鐘係呀外公應門的，咁已經好奇怪，入到去見不到有人，問呀公，佢話入裡面啲仲有一個，但當然都係見唔到，於是打返俾我奶奶話佢應該係有幻覺。然後就著佢既情況，都有討論過，懷疑係老人癡呆症，因為幻覺都係其中一個徵狀。

聽咗咁多，但到真係見佢都係前幾日，外表睇落不覺老咗好多，但一整日落黎係真係9成似係。第一，認唔到人，連我老公都有一下認唔到，突然開始介紹自己，佢都認唔到我sister in law 既男友。第二，佢寫俾我老公既生日咭內容唔make sense, 字好似重疊了，睇唔出寫咗乜，下款寫咗uncle xx (非granddad xx)。席間有些對答都好正常，有問有答，但好幾時佢表現有啲迷網，好似唔知點解自己喺度，呢啲又係咩人。好明顯腦裡有啲野function 出錯。

對於佢情況退化得咁快、咁嚴重，我都好surprised, 但就正如佢自己講，呢一年既lockdown 對佢既情況無幫助。其實兩年前(COVID 未開始), 有一次佢認唔到我，我地就應該有alert, 但我們當時覺得，哦，老咗啫，一次認唔到啫，無事既。而且，佢越來越喜歡當大家一齊傾計時自己睇電視，少同我們social, 如今諗起，都係一個警號。

lockdown 係呢件事既催化劑，喺英國，即使到現在，對老人家同長期病患者係鼓勵佢地shielding ，意思係躲起來，減少同其他人接觸，因為大家都知呢類人中COVID 的話，死亡率會比正常人高。因此，全國既老人院亦係直至最近先放寬左探訪。我老公既外公就自己shielding 咗好長既時間。我們自己因為工作需要，去睇樓見agents, 其實都怕染上Covid 不自知又傳染俾我地既家人，所以呢一年其實來往係少。

今次見完佢後感觸良多，話說我老公既外公以前喺香港生活過一段時間，起初係英國Navy，工作需要黎咗香港，喺香港結婚有小孩，後來先全家搬返英國。以我既角度，其實佢同家人既關係都幾疏離，年輕時聽聞都算不上一個盡責的丈夫和父親。但我8年前認識佢既時候，佢就只係一個老人家，喜歡足球，返教會，換一句話講he has never done me wrong, 所以同佢相處都ok 的。

知道佢情況後，我諗都會儘量抽多啲時間陪佢，不過睇完nhs 資訊都知其實都唔易搞。希望大家都關心一下身邊人，最重要身體健康！