Harrods 明星book 場？皇室貴族？少女心與階級

嗯，喺我短短工作的幾個月，有幸經歷呢啲幾得意既事，同大家分享下。

當年Brad Pitt (畢比特）未同安祖連娜離婚，有一次book 咗我們玩具部，話要帶佢啲小朋友黎，大家都好興奮好難唔興奮喎，大佬，雖說公司明文規定不准要求拍照、不准要簽名，但管不著我們躁動的心。

嗰日7點要到公司，因為Brad Pitt 話當日9點帶小朋友黎，9點到10點全層都係佢地既。10點我們再開放俾大衆。當時我覺得明星小孩都幾慘(?) 未瞓醒就要購物，好辛苦。因早過平時上班，當開OT有補貼。

嗰日6點幾就出門，去到大家已好努力開始整理啲shelf, 啲聖誕熊仔排得超整齊，啲玻璃擦到一塵不染，manager 仲一塊塊check, 7點我們已go for extra miles. 差不多到9點，啲女同事開始排隊去厠所補妝啲口紅香水勁到呢，總之大家都散發著一鼓特別的敬業（荷爾蒙）味道。

9.20am 靜。。。manager 同我們講brad Pitt 臨時不來了，唉，都估到啦，咁早點起呢。。。雖然同brad Pitt 見不到面，但成件事印象深刻，好耐無咁少女

之後，有一次不小心服務了個沙地阿拉伯皇室貴族，一位年輕女性。佢買完野，去我個收銀機位，我們一般都要問客人有無royalty card的，無就sell你申請張（free). 佢話有，我一scan 完，我隔離個senior 同事就好熱情的話幫我pack 啲野入袋，咁都要既，呢位女性買咗好多野，scan 下scan下都過千(英鎊). 搞點哂，佢話佢回頭先拎，仲有啲shopping 要做。之後個senior 同事同我講，呢個女士係沙地阿拉伯皇室貴族，下，我話你點知架？佢話睇個姓就知啦。我當然好激動，佢話其實Royal family 好大，人好多，偶爾遇到很正常。哦。。。原來随便都可能與貴族碰上，

自此之後，對於來Harrods 的中東包頭人士我都格外注意，都真係睇得出有無錢，不是所有包頭包面都有架，但你就係睇得出。有一些女士係遮面的（得對眼睇到），幾個女士會一齊行，通常會有個年長少少的站前面，後面跟著幾個後生啲，後面的從沒有超越過前面嗰個。我常常在想，喺大小老婆定女主人加僕人呢？好想知。

還有一次，有個有錢女士找上我幫佢，佢俾咗個list 我話係christmas 禮物清單，我突然間變成了佢既personal shopper, 拿著兩大袋東西走了一路，一路服侍到收銀處，之後佢叫我找個人幫手拎去停車場俾佢私人司機。。。我第一次見識到呢個class既人係咁既，好難不去想我£7.8一個小時hourly paid, 佢一個小時花了£2000。階級主義好可恨呀！而且，重點係無tips! ！