Chester 收樓記

上星期上咗Chester 收樓，總算係埋尾 上年11月我地同client 做咗4個地方既報告，包括Coventry，Ashford同Canterbury, 最後client 睇完揀咗Chester。因為有小朋友既緣故，需要做school search 以便知道插班報邊間學校，中學又要點做先入到好學校。School search 做完我地就知道catchment area 喺邊，要買樓喺邊度買。

12月上去Chester 睇樓，睇咗3間，最後client 請我們落offer, 整個過程都好順利，而因為賣樓既阿John個人好好，落完offer 到交易成功既呢幾個月都因為同佢溝通良好而非常順利。

之前寫咗一篇文關於英國人做野慢，喺其他群組post 過，無端端被人罵叫我返大灣區，都幾無奈(我離開香港時都未有大灣區呢件事而且其實我google 過香港已經係呢個區既一部分，咁叫我返去屋企都唔係好hurt既。)

講起呢件事，係因為落offer 後，有好多文件程序要處理，而我們很想幫client 三月底前完成，可以慳stamp duty, 連foreign buyer stamp duty 都可以慳埋。賣家阿John 自然都想慳，而有deadline 自然就要push英國既律師，會替client 緊張，萬一miss 咗又貴啲，就係咁既background 下寫咗嗰篇文。

買樓既整個過程，我地好明白香港咁遠，隔山買牛，自然會有擔心，而我地做groundwork 既角色就係經常同client 溝通，等佢地知依家做到邊個step，幾時要做咩、幾時要交錢。都好多謝client 既理解，好幾時因為律師突然有野要得好急，佢地要香港時間好夜都仲會同我地溝通緊，確保事情順利進行。

律師、測量師、地產經紀、保險樣樣都要跟進，咁就3個月，到上星期四真係再見阿John 拎鎖鑰覺得都好感動。

因為想client 一家大細落機就可以瞓屋企，不需要瞓Airbnb, 我地從倫敦開車上Chester 先去IKEA 拎咗client 選定既幾件傢私，一拎完鎖鑰就開始砌，兩日一夜成功砌咗張dining table, chairs, double bed同一張子母床 黎到可以舒舒服服，慢慢先買電視同其他家電。

我地又諗到，自己住咗英國咁多年，平時去旅行去得耐都會裝啲燈，較定timer，夜晚著幾個鐘，等外面既人唔知間屋無人住，唔敢打主意。好自然我地都幫客裝咗好幾盞燈。見到對住大街既窗無窗簾，即刻去買咗裝咗佢，雖然唔係最理想既，但聊勝於無，防賊用。

萬事俱備，就等佢地黎英國啦！

最後，再次感謝Sandy 同Jordi 既信任，令我們做起事黎敢放手做，信得過我們任何時候都係從佢地既角度著想，呢幾個月黎無數次既電話、message 都令我覺得有佢地做我地client 係我地好彩！

祝Sandy 同Jordi 一家喺英國安居樂業，開展新既旅程！