Chester 二次收樓記放閃

兩星期前寫咗一篇關於幫客人去Chester 收樓的過程 ，呢兩日我們再到Chester 幫客人收樓加砌傢私，等佢地一黎到有床瞓，有餐桌用。

關於今次收樓既過程過兩日再寫，今日我們休息咗半日，咳，過相識10週年紀念順便介紹下Chester。呢兩日clock go forward, 日照時間長了，同香港時差變成7小時。同時，天氣都好咗，20幾度，春天真係黎咗而喺England, lockdown 措施下依家可以6人户外見面。

Chester 係一個好美麗既城市，喺Manchester 同Liverpool 之間，但比兩者都更安全。我地黎過Chester 好幾次，最喜歡佢既city Centre，好靚，又多獨立商店，好有character 。上年12月我地黎幫客人睇樓，當時啲店舖仲有開，我地仲買咗啲得意既聖誕禮物。

今次我地行咗好多路，周圍睇下，countryside 既景色真係好美，而因為天氣好，好多locals 都出黎公園坐，飲酒picnic，空氣中彌漫著燒烤既味道。lockdown 咗咁耐，冬天又長，依家終於再次見到公園咁有氣氛，心情真係好愉悅，好想可以返倫敦同朋友燒烤

沿河見到好多好靚既houses 同cottage houses, 真係好似張明信片。又行過Queens Park Bridge ，一條頗有名既橋，1923年 open，年代久遠, 距今差不多一百年，但望落一啲都唔覺殘舊。

希望大家有機會黎到英國探索下不同城市既面貌，你會發覺每到一處對英國既了解會多咗，會感受到邊度好住，邊度啲人nice, 會同英國人一樣感受到唔同地方既vibes，或者慢慢會識得講，呀，this place has good vibes (呢度好有vibes 呀！)

十年前喺香港同老公初見，第一次見面就帶佢去旺角掃街食魚蛋、臭豆腐，都無諗過今日佢會帶我喺Chester 行。呢幾年經歷咗好多，從倫敦搬到愛丁堡又搬返黎，完成移民研究既博士論文又協助香港人移民英國，都多得老公既支持，希望下個十年會更好，祝大家都喺英國安居樂業，甜甜蜜蜜！