Cancel culture 呢件事

5月底大學學期基本結束，呢個學期我part time 做助教既一門課都改好哂文，（之前寫過我教既科目）成績亦俾返學生。可惜呢個學期發生咗一件不愉快既事，我覺得作為一個結束都想寫下呢件事。

話說教呢門科目既教授喺4月時受到學生投訴，話佢喺Twitter 某啲post 帶有種族歧視、恐同(同性戀）既內容，事情越滾越大，最終呢個教授被停職調查。呢門課係我自己申請去教的，呢個人我本身都係唔識既。因為疫情，所有大學課程都換咗online 教，包括我同呢個教授、學生既互動都係online 既。

事情發生後，我有去啲學生話好有問題既Twitter post 到了解，實在睇唔到有咩問題，每個post 都係有背景的，如果完全不顧前言後語，可能會覺得有問題，但完整去睇，that’s fine.

因為其實同呢個教授唔熟，又無利益衝突，我無必要盲目幫佢講好說話。我可能不同意佢所有觀點，但不等於佢係racist。同佢共事呢半年，知道佢其實對教育好上心，經常工作到好夜，每次學生有疑問，一定回覆得好詳細。我自問同好多教授共事過，佢工作認真程度上係毋庸置疑既。咁當然工作認真都可以係racist ，都可以恐同，但我不認為佢會因為個學生唔係白人就唔覆佢，或者知道某學生既性取向就俾低啲分佢，當然呢個只係我既觀察。

校方既反應係官腔式的，基本上話會確保學生喺一個多元的環境下學習。我覺得造成今日呢個局面可能有好多原因，第一online learning 導致學生同老師既接觸有限，因為對對方唔理解，所以容易有誤會。第二，其實係一個言論自由既反思，作為一個教授，到底可唔可以真係自由地喺網上平台講佢想講既野？

當言論/所屬既Institution 唔企喺自己一邊，代價係咩？可以收返講過既野嗎？可以cancel 佢？會唔會最後cancel 既係呢個人本身同佢30幾年既教學生涯？我地要滅既係同現代價值”不合流”既思想？定係表達不同意見既聲音？