1個trip，3個mission，4個客

呢兩日上咗Chester 幫我地買咗屋既兩個clients 做每月既例行檢查(先前一篇https://www.bnopathway.com/post/chester-睇樓與收樓take-2 都有講過係因應保險要求)、收下信，順便幫佢地送網上買既貨去佢地屋企，一到埗就有得用。

同時，我們都有新客對喺Chester 租同買屋有興趣，所以今次幫一個客睇一間喺Chester 好區Boughton 既3-bedroom property，又幫另一個客喺Newton睇一間2-bedroom rental property。Boughton 呢一間既屋主Andy 人好好，而且佢自己係builder, 整間屋都俾佢upgrade 過，而且見到佢做既工程係up to standard 既。有時候我地偶爾會睇到一啲屋係經屋主自己動手改動過，並非每間都做得好咁都正常既，非每個人都係專業人士。

呢間屋既每個位個屋主都有啲野可以講下，living room 同廚房尤其做得好。樓上有兩間房可以再油下，佢自己都講平時工作太忙，無時間將佢想做既做完，但都係啲小問題。比較特別的係個bathroom, 除咗有jacuzzi, 仲有一面鏡有安裝Bluetooth connect 去電話就可以播歌，仲有酒店好多時有的防霧鏡，不怕沖完涼蒸氣令塊鏡好大霧氣，按鍵即de-mist! 雖然唔係咩Harry Potter 魔法咁特別，但show 到主人既性格同佢真係對自己upgrade 過既野在乎。呢一點係買二手樓最有趣的地方，我地喜歡一啲屋企”has been loved” (被前屋主所喜愛的, 睇得到佢既心機同個人品味。

雖然呢位客人今次只係找我們睇一間（經我篩選過後的選擇），以後要睇多一兩間再下決定，但係我相信對佢地黎講都係有趣的經驗，而且可以了解到睇樓要注意啲乜嘢。

之後我地去咗city Centre 食lunch, 終於可以坐喺餐廳outdoor 食飯，可惜因為落雨匆匆忙忙地揀咗一間有傘遮頭既餐廳，坐低先發覺係食vegan 菜的 （並非對vegan 食物有偏見，其實我sister in law 都係vegan, 每次出去食飯都一定揀有呢個option 既餐廳，但係大部分我試過的、專做vegan 的餐廳都做唔到好食），點咗一份Laksa Curry Rice, 好老實講罐頭curry會好食過佢，加咗一條白菜，overcooked, 個樣好sad 。我先生點咗份Korean “chicken” burger話有kimchi, 但個kimchi 點睇都唔係真既，雖然早知chicken 非chicken, 但想不到kimchi 都非kimchi, 可能因為kimchi 本身都係非vegan?

Anyway, 食完再幫另一個客去睇一個租盤，都係經我們同客人一起選擇後既choice, 所以未去都知係好區。今次係estate agent 帶我地睇一個two-bedroom apartment, 感覺都不錯，很安靜既小區，agent同屋主認識，知道佢曾喺呢個apartment 居住多年，樓上有兩對年老夫老妻，仲有一個鄰居係單身professional。個apartment 整體都不錯，有自己garage, 一個communal garden。不過，無dishwasher 不知道會唔會影響個客既決定。

睇完樓我們都會影一影週邊既環境俾客人睇睇，感受下個氛圍。就係咁，1個trip，4個客人，3個mission ，圓滿結束。