香港人英國租屋

即係咁，喺英國租屋其中一個很重要的過程叫”referencing”, 用作核對你的身份同可信度。呢個過程不管英國人定移民都會經過，很正常的。

“Referencing” 通常由獨立的agency去做，主要查你有無錢俾每月的租金，你每月的工資，你是否受僱於英國employer。呢邊既人可問之前的landlord寫positive reference，也可請僱主幫忙寫明呢個員工幾時開始喺度做，工資多少，可應付租金等等。很多時候找agency查你既呢一項係租客俾錢的。

當然對很多香港人來說，referencing 造成很大的困難。很多人都會辭職移民, 人生路不熟，又第一次租屋，很多公司要求你證明的東西都無。呢個情況下，因為信不過你，很多estate agent都會要求你預付至少半年的租金。這當然對estate agent 同業主係好事，錢都入袋了，但如果你租既地方不好，要refund就很難了，也就可能被逼住到租約期滿為止。

筆者都遇到過referencing 的問題，當年從倫敦搬到愛丁堡，當然已辭職，本身住的地方也給不了reference, 看過幾個flat, estate agent 話要先俾半年錢，都預咗要俾，但想不到最後睇既flat個agency 很好，當然伴侶係英國人可能都幫到手 (不過先前幾個agency單靠本英國護照係不夠的), 最後就成功租到很好的one bedroom flat (Morningside - 請睇我寫Morningside 個post)

倫敦同愛丁堡的租屋競爭很激烈，有時候係靠當日睇樓後抽籤、包剪揼，決定租俾邊個，原因係好既屋總有demand, 你不租大把人想租，啲agent 見係咁，就很隨意決定。

想來英國後一到步就已租好地方就要來之前一兩個月開始睇，太早睇又未有盤放，時間很緊湊，交俾我們為你安排，記住租屋既決定過程很快，如果你人未到英國，你最好有值得信賴的人幫你打點

(Updated 27/10/2020) 有網友提醒我，從2019年6月1號起在英格蘭租屋根據Tenancy Deposit Scheme有Deposit Cap. 如果你的一年租金是在£50,000 以下， Landlords 最多只能收5個星期的rent 作為deposit; 如果你的一年租金是在£50,000 以上，Landlords 最多只能收6個星期的rent 作為deposit. 但有一點值得注意，不是所有landlords 都有register Tenancy Deposit Scheme，也不是所有landlords都會經agencies 出租物業，呢啲情況下最好問下個landlord 有無join 呢個scheme, 對自己也有保障。其次，我知道的情況係有一些agencies 同landlords 繼續收取多過5-6星期的租金作為deposit, 特別係向international students同新移民，可能係覺得佢地不一定知道呢條新例。大家租屋要注意啦！