買聖誕樹注意事項

買聖誕樹同我們香港人買年花一樣都係好緊要的。

幾年前第一次買真聖誕樹，我仲記得好開心，花咗£65買咗一棵又大又高的，愛丁堡既冬天很冷，喺户外同其他人一齊楝，好有feel。

當時住的是愛丁堡既一個one bedroom flat, 要走樓梯的。兩個人開車去揀，買完托棵樹上樓也很不容易。

點為之一棵好樹呢？要靚囉，身材要平均，不能太上輕下重，有啲樹上半部份葉少，下半部份感覺很肥，咁就無咁靚了。

有很多時候啲樹係有層白色既網包起來的。真正開出黎做show room 既樹得幾棵，嗰啲樹當然係靚先擺出黎，但一般很少人買，因為在外面擺得耐既樹會較缺水，到你拎到返屋企，可能未到Christmas 已乾身。呢個有啲似過年買水仙，時候要掌握得好，因為不想佢未過年就開唒。

一般黎講，十二月中到十二月二十號前買聖誕樹最理想，太早買可能會乾身，太遲買，靚既都被買走了。

講返楝樹，你見到一棵棵用白色網包起來的都係可以俾你挑選既，呢個時候有少少講運氣，你可以挑3到5棵包起來既樹，叫佢開俾你睇，最好不要request 太多，開出黎俾你睇都有工夫做，而且不一定得你一個客要照顧。老實說，無咩人叫人開完黎睇又一棵都唔買。咁既情況，我通常俾自己3次機會，希望有棵啱心水。

揀好後，佢會幫你用白色網包起佢，你再拎回家。當然，無車都好難搞，不過有啲公司係有local delivery 的，可了解下。要注意如果開車去買，啲樹葉會掉下來，所以買完架車都要清潔下。

聖誕樹下要有個托盤，可以係木既(你去買樹既時候，佢會問你家中有無，無你都可以買埋）。我們家係膠的，當年去ikea買，可重用，非常好又因爲去得太遲，最後只能買showroom 個tree base.

個托盤係俾你加水用的，好神奇，因為聖誕樹從被砍下的時候開始就慢慢流失水份，同買花一樣，可用水養住，但最終都會dry out. 我通常每幾日就會加水一次，確保到聖誕啲葉都係靚既。

每個Council 都有時間表收聖誕樹，一月既某個時間前要拋棄到某個collection point, 自然有人收。據我所知，樹係會被回收的，所以也不算太唔環保？當然買膠的年年用也可以，但我記得以前好細個喺香港都買過，用了幾年就有些枝節斷了，要再買新的，但經常買膠的其實更唔環保。你們覺得呢？