英國 Covid-19 lockdown Round 2

說實話，很不喜歡lockdown，第一次lockdown時我們有其他室友一起share flat. 中間發生了一件事，使我很不開心，當時英國的guideline 是這樣的，每天外出運動一次是可以的，但沒有說明可以運動幾耐，很多的guidelines 其實也是看你的interpretation.

我自己不太喜歡運動，所以也沒有每天外出。但lockdown 久了，真的很想出去走走，而且屋企附近沒有很好的中國超市，所以想去一下Canary Wharf那邊的天天超市，貴就貴啲，但好多選擇。當時既想法係，可以坐tube 去，但lockdown既原意就係要市民減少非必要的travel, 返工算essential travel, 所以無影響。咁問題來了，中國超市算唔算必需呢？我唔去係唔會死既，只係好想去。而家中的英國flatmates對疫情很緊張，我們決定不坐公共交通，走路去，希望減低感染既風險，不把病毒帶回家。

從家中出發到那邊走路要一個小時，買完東西，包括米（當時lockdown 一般超市買不到米，除了超市own brand很難食的), 但真係太重，所以我們決定坐tube回家，但特別小心，坐都唔敢坐。lockdown咁耐，有個shopping trip其實好開心。

回家後，flatmates問我們去咗邊，做咩，有無坐public transport, 我們都如實答了，當時反應唔係咁好，即時無哂mood.

我當時寫咗首詩紀錄我的心情。

<Lockdown>

一位室友 極愛運動 每天外出跑步 一位室友 極怕病毒 每天宅在家中

他們是我在lockdown中的夥伴 閒來在廚房吹水的對象 他們是我在監獄中的獄長 是我道德的監察者

政府說

外出運動一天一次是可以的 外出購買必需品是合理的

我說 去一趟中式超市吧

他們卻說 公共交通是不應乘坐的 走路三小時去買是越界的 中式食品也不是必須的 把病毒帶回家中是罪該萬死的

我靠

我們都應守規矩 在規矩之下再立自己的規矩 道德的高地建得高一點 那批判的快感再多一點 啊 你往下看 全是蟻民 終於舒服了

lockdown 係咩呢。。。喺英國既lockdown 對我黎講就係有好多扮哂野既討論，好basic 既例如戴口罩 (到第二次lockdown學校都無強制學生載口罩), 呢啲根本唔哂再討論了吧，做啦唔該！而英國人會花好多時間討論又討論，全民都會參與不同既家庭、朋友、公司、鄰居討論，齊齊做道德警察。又lockdown了，心情很沉重。呢排可能隔日先post，多包涵