英國 Black Friday 購物

今日英國人在忙什麼？

今日係Black Friday，我估計大家都在忙網上購物！

Black Friday 其實是先從美國開始的，英國也是慢慢開始每年11月最後一個星期五的前後一星期辦black friday sales! 現在好多店都會辦足一個月，刺激消費。

我一般都係呢個時間準備聖誕禮物的，對，聖誕節前的一個月就差不多要準備了。我的英國家人辦聖誕花很多心思，也曾經讓我壓力很大。這比香港過年還要嚴重。

點講呢？過年都係幫下父母封下利是，買下送禮果盒，買下年花，不用特別費心思諗送咩禮物俾人。

我覺得英國人平均花一個月工資買聖誕禮物，我呢個估算並非沒有原因的，英國人稱一月為blue January, blue 有鬱悶的意思，因為大家都無錢了，12月洗唒，天氣又冷，日照又短，所以真係好sad.

當年第一年來英國做了幾個月Harrods ，但都花了一個月工資買聖誕禮物討好老公(當時只係男友)的家人。

咁買咩呢？每年都很煩。其中一個原因係我老公的家人有即場開禮物的習慣，12月24號平安夜，大家都會把禮物包好，寫好name tag 放在聖誕樹下，不寫好不行，會唔記得邊份打邊份。12月25號聖誕節當日，一大早老公的妹妹就會叫唒所有人起床，食過早餐就開始圍在一個拆禮物。

基本上，呢個係一場show, 從香港黎既我一開始很難掌握。拆禮物大部分英國家庭都從家中小孩開始拆，小孩一般會得到比大人多既禮物，可能一個大人會俾一個小孩幾份小禮物，等佢多幾份拆下。

我們家的傳統係小孩拆了一到兩份後，到下一位，再下一位，再輪幾圈，直到所有禮物都拆完。拆幾時候要同大家講份禮物邊個送的，拆完如果份禮物你好喜歡咁都要抱一下，表達下感謝，你不喜歡，都要say thank you, 而且最好不要表現出來。呢個係表演你演技既好機會，完咗你會發現因為一直維持笑容，你塊臉會硬咗。

雖然聽落好累，但大家每年都做得很津津有味，這也是有原因的，因為你會睇到對方對你所用既心。不只是中國人愛面子，全世界人都愛。當你睇到對方既心，即使禮物不一定合意，都不會搞到對方無面子。同時，這也是一場比較，邊個送的禮物最貴，邊個包得最靚，邊個最有、最無心思都會睇到唒，所以會有壓力。

仲有一個更有壓力的，係當你不知送咩，你就要請教一下會知既嗰個人。例如，要送禮物俾我老公的step father, 我可能就要問我mother in law, 佢今年有咩想要，如果係衣物，仲要問碼。又因為要保持神秘性，所以我送禮既對象不應該從我線人口中知道係我送的。呢啲大龍鳳都幾煩的，我老公到現在都話我送禮唔識保持神祕感，佢一估就估到我想送咩俾佢。有時候真係想封利是俾佢就算。

幾年前的black friday, 我去了Stratford 的Westfields, 一個很大的shopping mall 血拼。人山人海，今年應該見不到呢個景象。當年買到手都提不起，盡興而歸。

呢幾年多一半網上買，一半店面買，有些東西還是親身見過摸過先知好不好。但今年COVID 可能全都要網上買了。Anyway, 血拼開始！