英國聖誕習俗之聖誕老人篇

如果大家移民到英國，聖誕時節同一啲有小朋友既英國家庭相處，有一點要切記！千萬不要喺小朋友面前話聖誕老人唔係真既！很多英國家長唔鍾意咁誠實。

事實上，英國人對維持聖誕老人呢個fairytale ，特別喺小朋友心中，係非常執著的。太現實既香港人可能不太明白。有幾執著呢？12月24日平安夜，BBC 電視台會有天氣預報，話俾大家知聖誕老人目前既位置，預計幾時到英國，天氣情況等等。。。簡直係國家級謊言！

剛搬到英國時，我對呢件事真係好費解。英國既家庭會放聖誕襪喺壁爐上，話俾小朋友聽聖誕老人會爬落黎，放聖誕禮物入去襪度。平常夜，英國小朋友會喺大人既幫助下放杯牛奶，幾個紅蘿蔔、幾塊餅喺壁爐旁邊慰勞拉雪車既鹿同聖誕老人。大人會很認真的在小朋友入睡後食少少，等小朋友以為啲鹿同聖誕老人真係有食。

聖誕老人既禮物，連包裝紙都會不一樣，為求做到小朋友不會懷疑。其實呢個謊言真係好有心。

來自香港既我，很明白呢個係文化差異的問題。喺我們自小既教育下，利是係父母、親友俾既，似乎很小已都很明白天下沒有免費午餐呢個道理，利是既豐厚程度同我們與其他人既親密程度有很大關係，而且父母仲會話睇你表現，唔乖就無，唔講恭賀說話又無。簡單黎講，收利是係有obligation 既。但聖誕老人無，一個唔認識既人做咩要俾禮物你？但顯然，英國人唔係咁諗，全國都

認為小朋友應該要信fairytale, 呢個係佢地既童真，不應被太早剝奪。大家又點睇？

但不論大家點諗，都要記住尊重英國家庭既做法，或者呢套英國文化，總之不要喺小朋友面前拆穿聖誕童話，咁樣可能會得罪大人小孩架！