英國節慶Guy Fawkes Night 煙花活動

昨天 (11月5日）起England lockdown, 不過市面普遍都好calm, 大家今次都無乜點panic buy 啦。我特登去咗超市買日用品，買雞蛋、牛奶、焗豆 (baked bean), 咩都有得買，可見大家都習慣了。上次係真係買不到雞蛋同焗豆，厠紙最短缺既時候要早上6點起身去買。。。

今次Lockdown 剛開始有得八卦下美國選情，真係算易過。而且，剛好係Guy Fawkes Night, 每年既11月5號都要放煙花慶祝Guy Fawkes 之死（誤：係慶祝佢喺1605年炸毀House of Lords 呢個計劃不能成功)。我覺得呢個傳統好正，畢竟喺香港無得放，呢度每個council 每一區都會有煙花活動，我喺倫敦既兩個區睇過，愛丁堡都睇過，不過呢啲official 的煙花都係一般般，我們睇慣咗香港既firework, 會覺得level不夠，但大家都要諗下邊有個個council 咁多錢做香港規模的firework, 所以咁比較都不太公平。

最好玩既係有house 既家庭可以在garden 放firework, 我寫緊呢篇既時候，可以聽到firework 無停過。住咗英國咁耐覺得英國人真係好重視呢一晚，很多家庭會聚在一起放firework, 而且不只呢晚放，

前後既一星期都會有人放，超市都會有firework 賣，非常common.

今年無得同家人一起放煙花，大概英國政府都不想我們mix household, 故意選擇11月5日起lockdown. 有一年買咗個好大既煙花，喺煙花專門店買的，呢啲店每年會有幾星期出現，見首不見尾，短期租約，有時候google 都search唔到。嗰日行過見到，剛好係Guy Fawkes Night 後一日，firework 全部特價！我同個老闆講，我得咁多budget, 你俾個最勁既我，佢去咗後門拎咗個大黑色膠袋出黎，好神秘，佢話呢個好勁，原價£100，半價俾我，又有短片睇效果，我見真係平，而且好重手，就買咗，結果老闆都無呃我，個box足足燒咗一分鐘，好大好靚 (好彩無燒咗鄰居棵樹), 靚過official 嗰啲 (因為夠近，好似vip seat咁).

又同大家科普下，唔知邊個同我講話Guy Fawkes 係bonfire 被人燒死既，搞到我好多年黎都覺得啲英國人好記仇。一次terrorist attack （恐襲）仲要唔成功，駛唔駛每年都記住呢個人，又每年燒人地一次呢？fact check 係好重要，原來根本係誤會，Guy Fawkes 恐襲唔成功，當年係大家搞個bonfire 慶祝佢唔成功，而Guy Fawkes並不是被人燒死既，當年判佢係hanged, drawn and quartered，即係被馬拖到會場，再吊佢，但未斷氣，加斬首同四肢分離，但歷史上話佢最後係行刑前唔小心跌斷頸死既。

Anyway, 大家都清楚哂啦！下年都一齊慶祝啦！