英國租屋遇到既有趣問題
一般幫香港人租屋前都有幾個經常被問到既問題，我覺得可以寫出黎分享下。
（1）可唔可以呢，租咗之後換門鎖架？
答: 絕大多數唔可以😌可能係香港呢個係好common 既做法，但係喺英國好多合約會寫明唔俾換。原因我覺得係其實租客只係短暫地有呢個物業既使用權，非ownership。其次，estate agent 同landlord 必須保留對呢個物業既access right, 即係有咩壞咗，要人黎整，其實agent 係有spare key 可以進入屋內(當然你咁啱喺屋企都無問題，可以睇住佢地整)。另外，當你就快要搬走時，你喺需要確保agent 可以有權帶人黎睇樓，方便租俾下一手。你轉咗key, 又無通知landlord or agent, 人地帶客黎睇就要先搵到你拎keys先可以。我曾經都試過，去到要同個地產經紀一齊乾等，好彩個租客無出咗town，否則就睇唔成啦。
(2) 可唔可以自己出錢幫間屋裝閉露電視？
唔可以😌 任何安裝喺外牆、內牆既野都唔可以係永久fixtures, 多一口釘都唔得。如果有貼上去就可以固定既，而remove 後又不會留下任何痕跡既，係可以既。
特別問題 - 呢個問題只係被問過一次，但印象深刻，所以分享下☺️
（3)我地想買屋，可唔可以幫我地搵一個盤係揸車半個鐘內見唔到墳場既？
😅 真係唔識答。車速係幾多，radius 有幾大？如果高速公路半個鐘已經可以橫跨一個town, 甚至city 💨 唔記得當時點回應，但希望最後佢都搵到理想既property。
今次分享到呢度，下次再講下其他常問問題😊
Click me for the next article!