英國工作體驗
分享我的Harrods 工作體驗
【英國見工經驗】中講到我過五關斬六將後，終於有Harrods job offer. 然後是填表，選擇自己想在哪個department 做。這個我在YouTube 有講過少少。我選擇了womenswear, luxury jewelry & handbag, 還有toy department.
陪訓用了三個full day, all paid for. 到了陪訓第一日就知道邊個入咗邊個department. 嗯，高挑金髮美女全入了luxury jewelry & handbag, 差少少的入womenswear, 我咁既身高的亞洲面孔入玩具部係好合理既。當然，當時覺得係赤裸裸的歧視呀，這個睇樣睇身高的社會
但坦白講，入咗玩具部我覺得幾開心的，好像sales 壓力無咁大？即係我呢個level 做呢個level 既野係不用超大壓力呀。
玩具部的工作制服係T shirt 真係男就blue, 女就pink, 很違背我平常對性別教育的理念。其他部門很多都係西裝筆挺的售貨員，嗯，算啦，當慳咗西裝乾洗費。
Harrods 員工有自己的出入口，有機會大家去開睇下找不找到？入到去先放下你既手袋，有人會俾個number 你，放工再拎返，其他手機呀、錢包，佢會俾個透明袋你，你可以帶去你個department, 每個department 都有lockers. 個透明袋要先俾security 睇過先帶得入去，保安幾嚴密的。
所有員工去自己工作崗位時都會經過一條長隧道，上面大約寫著 “Always go for extra miles”. 鼓勵員工要always比自己應做的做更多，走更遠。雖然叛逆的我會想，你俾個£7.80一個鐘我就叫我走extra miles...但日日行同一條路真係會有少少影響，呢個可是Harrods 的culture.
到了自己department, 早上會做briefing, 三個managers 會叫大家努力啲，要賺幾多幾多，叫我們sell add-on (通常喺收銀機前面嗰啲). 以前去7-11買野，成日都覺得做咩成日問我要唔要呢樣嗰樣，想俾錢啫。。。依家，不會了，很體諒。
人剛到英國就做售貨員，連啲銀仔都未分得清上班前一天，男友要訓練我，其他coins都ok易，但我超不喜歡Copper coins. 兩個大的copper coin (2p) + 一個小的copper coin (1p), 等如一個小的silver coin （5p). 我牢牢記住了。結果去上班的頭一兩星期，終於有同事發現我always 找兩個2p，一個1p俾顧客，問我點解有咁多5p留黎唔用我應該係上咗腦，一要找5p就自動loop.
當然數銀仔只係第一步要學的，還有Harrods 有很多上咗年紀的超級忠粉，但又不太識online order 的老人家，有一次客人直接打黎玩具部要訂Christmas bear, 呢隻熊Harrods 年年都出，個老人家要訂，個地址係愛丁堡， 我初到英國fresh 到愛丁堡喺邊都未知，點串更唔知（想不到年幾後我會搬去嗰度) , 個客串咗三次我先落到單，真係做得幾差的，所以之前有人同我講話喺英國找工作要好放低身段，讀完碩士做sales, 咁但係老實講，Edinburgh 點串呢啲喺英國小學生都知既，我唔知，咁有個degree又點呢？唔學唔做過又點知？人地俾個機會你，試下都好呀，最緊要係真係唔鍾意可以quit嘛！
要找工作寫cover letter 同cv的，也可以找我們幫手，記住啦！