英國境外旅遊罰款呢件事

喺倫敦，春天已經來臨，front garden 既樹都慢慢開花春天一到，英國人就開始諗夏天去旅行了，特別去歐洲其他國家。無計，英國夏天熱既時間不長，而且即使夏天，海水普遍都係比較凍，對於想去海灘曬一身古銅色肌膚既英國人，歐洲如西班牙、意大利、法國、希臘等擁有陽光與海灘既地區係一個好attractive 的選擇。不過，其實境內旅行也不錯，之前寫過一篇關於英國夏天camping (https://www.bnopathway.com/post/心郁郁的英國人)，喺英國呢個活動非常popular。

英國政府今個星期四投票立新例，其中一點係想從下星期起，如果國民非工作、教育、醫療原因去境外旅遊可被罰£5000。政府既想法係咁，雖然英國打vaccine 打得幾好，summer 前應可以全國打哂第一針，但歐洲各國打vaccine 打得好慢(最近英國同歐盟為咗打針同資源問題都過咗幾招，超political)。

打咗針只係提升對自己既保護，但一樣可以成為散播病毒的媒介，即係你中咗，對你無咩影響，但身上既病毒可以感染未打既人，你亦可帶變種病毒返英國。我地知道目前既vaccine 對某些變種病毒既抵抗性無咁大，無咁effective, 所以英國政府好驚又增加Covid cases, 又要lockdown。

上年summer 既時候，好多英國人都有去歐洲travel, 三月lockdown 時對好多人黎講係好新既experience, 完咗個個覺得要去歐洲玩下celebrate 一下，結果lockdown on and off 咗一年。如果話上年summer 英國人去係因為對病毒同自己生活既影響未好了解，依家應該係毫無懸念。

對於呢個立法既本意我係支持的，當然咁亦意味著好多英國人不能去歐洲探親，我都唔可以返香港，只能盼家人早日黎到。

境外旅遊唔準，但可以期待一下境內旅遊，不過應該無咩古銅色肌膚曬得出。對於我一個香港女生超怕曬黑，一開始好唔明白英國人對olive skin tone 既執念，但依家明哂。以前，去得歐洲地方旅行又曬到一身古銅肌，證明你係有錢人，有錢先afford 到去travel ，仲要有假先可以travel 得耐曬得出，慢慢變成咗身分既象徵。working class 會去tanning shop照燈，有fake tan 既效果。

不過，大家唔好以為曬黑好易，對某啲英國人，特別住Scotland 嗰邊，佢哋既膚色本身係好蒼白既，只能曬紅不能曬黑。而且如果你得幾日假，你就要爭取每份每秒曬太陽。你summer 去歐洲旅遊，如果係beachfront hotel, 早上7點已經好見多人放條浴巾喺度霸位，食完早餐就落黎曬，得閒影個Instagram, 日日如是，其實好累 但係返到英國，大家會讚你呀！總之，依家自己對陽光無咁抗拒，玩一兩日都得既，但要我日日曬，我諗我都係未好appreciate 呢種歐洲審美，都係免了。