英國公路 services

呢兩日又北上睇樓，經過上一次坐火車一日來回後病咗既經驗，今次我地小心好多，連口罩都由普通升級到N95。兩次北上都係去近曼城嗰邊，開車既話從倫敦上要4個小時，所以第一次無選擇開車, 但坐火車感染COVID 既風險比開車大，所以我地諗過，為咗減低感染風險，都係開車去，瞓一晚，第二朝開車回來會無咁累。

開車同坐火車感覺好唔同，開車要打起精神，特別係全程落超大雨，沿途見到好多大貨車，偶爾會見到motorway 既提示，叫貨車預備明年1月1日既EU document, 或有指示牌指示呢啲新check point。見到呢啲提示覺得Brexit真係好近，但開radio 聽新聞又話仲trade talk 緊，成日都話可能會no deal, 好似平行時空。

開4個鐘車，我們一般休息一至兩次，motorway 都有services, 見到牌就可以準備離開motorway, 英國好common 既services point 有Moto, Welcome Break 等等。Moto 較 welcome break 殘舊，見到moto 個牌，我會等下一個services point 呢啲services point 都好似，有間kfc, M記，Burger King, Starbucks，newsagents, 有間fish&chips 之類，俾司機充充電再趕路。

第二日回程時遇到件怪事，我地泊好車，一落車有個人過黎話佢做delivery 既，問我地要唔要Samsung 電視機。。。一睇呢個人就知係賣入屋偷竊既貨，見到呢啲人我地都make sure 所有貴重物品跟身or 放車尾箱，不要被人睇到，鎖好車先入去休息。如果唔係隨時你食完飯出黎，你車窗都被打碎，野都唔見哂，賊仔一早上高速走了。大家遇到呢啲人都千萬唔好買來歷不明既野, 英國有啲不法分子咩都會偷，幾個星期前先有幾個人偷了London Wimbledon Park 既聖誕樹去賣。