英國人飲茶呢件事

英國人好鍾意飲茶，雖然同香港人愛茶有啲唔同，但都係好鍾意。有幾鍾意呢？有啲英國人會好proud 咁話 I am a tea drinker ，呢個係一個identity, 有少少「我唔似你地啲歐洲人、美國人咁係coffee drinker」既意思。

英式茶，一開始飲慣咗港式奶茶真係覺得好一般。無港式既Evaporated milk (淡奶)，又唔夠滑，但飲慣咗都ok, 習慣果然很可怕。

講到英式茶，大家都知既有Breakfast tea (當然非早餐時間都可以飲), Builder tea （builder 工人飲既茶，very strong black tea), Earl Grey 伯爵紅茶 (加咗香料bergamot 佛手柑）， Lady Grey (同Earl Grey比less strong), 少啲人飲但都popular 既有Darjeeling tea, Assam 等等。

港人好喜歡去既Fortnum & Mason, 去倫敦一定要去買返啲做手信既店就係專賣茶、餅乾、朱古力等等。我自己返香港前好多時都會去買返啲送禮。但，我發現我屋企人都係當呢啲紅茶係鐵觀音、普洱咁飲。What are you doing?! 要加奶先好飲架！

傳統上，係要加糖加奶的，但最近幾年大家都注意健康咗，越來越多人選擇唔加sugar。

點解要講飲茶呢？係因為將來喺英國工作你都可能有需要學，一般英國人既辦公室環境都有pantry, 得閒無事，啲英國人就會去沖杯茶。如果你公司細，你更加有可能要offer 沖茶俾人地，因為人地都會沖俾你飲(如果佢地nice)。

呢個時候係展示自己記性同沖茶技術既時候。John 要one spoon of sugar, one dash of milk (一茶匙糖，少量奶），Sue 要two spoons of sugar, one dash of milk), Tom 要走糖。。。茶要沖好，不能太早拎茶包出黎，趕時間可以拎個茶匙去壓下個茶包，等佢快啲出味，茶包要棄置咗先好俾人（好少人喜歡留茶包喺杯內）。

第一次沖茶俾老公既家人既時候壓力好大 我家中仲有人要加代糖，有人係vegan所以唔可以加奶要加oat milk. 嗯，好彩我都唔係成日offer, 大部分時間都係人地沖俾我飲。大家黎到英國都入鄉隨俗，試下英國茶啦！