英國人食野中既 ”個人主義” ?

我同老公剛相識既時候喺香港，很欣賞佢既一件事就係咩都食(除左鳳爪同豬紅）。我好relieved, 我好怕佢係嗰啲只食sandwich，pizza 同炸魚薯條既英國人。但出去拍拖幾次，發覺佢通常唔會好似香港人一樣咩都share 黎食。

例如，出去食壽司，佢會將佢order 嗰啲放佢嗰邊，我order 嗰啲放我嗰邊。

我夾起我既壽司，問佢：would you like to try one?

佢： oh (有啲surprised)...yes please.

我儘量唔去望佢啲壽司，其實心裏好想食。。。

佢望下我

佢: would you like to try some of mine too?

我: YES please!

Pizza 又好，上海菜又好，印度菜都好，佢都好少先提出share。

對於我呢啲同朋友外出唔駛講都已經互相夾俾對方，互相沾染口水（有時忘記用公筷）既香港女生，我覺得男友咩都好，就係食唔夠大方，非常「西方個人主義」。

黎到英國，發覺同佢去同朋友食飯，真係大家order 咩就食返自己的。有一次佢既好朋友生日，去日本餐廳，壽星order 咗一隻壽司船，好大隻，我心諗咁大隻佢點食，一定share 啦，結果佢隻船黎先，佢真係自己一個食，而且食哂！

呢個似乎唔係AA制既問題。又去同老公既英國家人見得多，去餐廳食飯，邊個請都好，發覺佢地真係唔會share的，特別係main course。但我老公同我香港家人相處得多，發覺我地真係咩都share, 而且明白呢個舉動似乎有啲「同你熟先會咁」既文化意味，所以都會就下我，有時候出去食飯，都會問下我要唔要試下佢嗰啲。不過，如果去高級餐廳，要好有餐桌禮儀既，我地都嚴守唔share 呢個原則

唔知大家黎到會唔會同英國同事、朋友食飯，不過講出黎share下，可能你同我既經驗會唔一樣，但如果你有一日都有好似我咁既經驗，都唔駛太surprised ，了解呢個飲食文化差異就好了。