英國人做野慢

呢排啲estate agents, solicitor 同surveyor 好忙。忙到點呢？問報個價，問咗一星期先收到，中間催咗三次。

英國人做野慢，呢個大家都知。知係一件事，真係要依賴佢地做野又另一件事。有時你早上打電話去俾 agent (當佢叫Tom), 你永遠搵唔到人，阿Sue 會同你講佢唔得閒，留低電話，Tom 會下午覆你。

下午4點幾，你開始明白 Tom 係唔會覆你，你再打去，已經係另一個人聽，話Tom 已經走咗。

就係咁，被英國人hea 到一個位，有一日，你又去打俾Tom, 而Tom真係打返俾你，你會覺得好受寵若驚。喂，係，oh you are Tom! (好感動)

有日我真係忍唔住，少少發脾氣問我老公，你地啲英國人點解做野咁慢，咁無efficiency? 其實我老公都慘，佢又代表唔到全英國回答我既質問。

但佢竟然俾咗個答案係我無諗過既。

他: 咁我地以前多殖民地嘛，你地做得咁努力，我地咪唔駛做咁快、咁努力囉！殖民地無咗，我地又有歐盟，又有啲人可以利用下。

我：咁脱歐架啦喎，你地真係on your own 架啦喎。

他：所以或者脱歐都係好事 （我同佢都係投留歐），一個國家都需要改變同evolve (進化/演變），或者英國人都要進步。

嗯，我老公一個人既意見當然代表唔到所有英國人去解答我對英國人做野慢既疑問。但我覺得都幾得意，可能英國人做野慢係有歴史原因，亦可以話係我地間接造成？