聖誕前中咗Covid 😱
話說聖誕前倫敦Covid cases 上升得好緊要，本身都急急腳book 咗打booster, 點知就喺要打針既前一日早上做home test 發現中咗Covid 😭
呢隻omicron 真係擴散很好快，而我完全no clue 喺邊度感染，聖誕前又多聚會，都好怕感染到其他人。一中咗，基本上就係在家隔離，而我覺得我地做得算好好，所以即使屋企有80歲既外婆同父母，個個都無被傳染。我隔離期間絕大部分時間都喺房，一出房就戴口罩，用完厠所wipe down厠板，洗手盤開關，厠所門個handle同lock。食飯靠家人送到房門前，我門前亦有個盤，俾我放食完既碗、餐具等。
中咗covid，但病徵算很輕微，除咗第一日發燒，全身酸痛，基本上第二日就只餘下乾咳，身體少少唔舒服。第三日感覺可以如常返工😂，但仲係跟足NHS 指示隔離足咁多日。最特別係原來每日take Covid test, positive 條線係會隨著病情好轉而變淺，由第一日好深紅到第六日好淺。到我期滿出關，好彩係所有我發現中招前同我食過飯既朋友，工作過既同事都無事，家人都無感染，實在太好啦！
新一年祝大家身體健康！