極度充實機場接機篇

跟開我地post 都知，我地有去開Chester, 起初係去幫人睇樓，到買咗樓後要每月上去一次睇下間屋(保險要求), 到咗上個星期日佢地一家終於都到英國了！

上次去機場接機，個客一家5.30am 就已經出咗黎，結果我準備好既接機道具都無機會用😅所以今次早過5:30am到，一早企定喺度，因為呢個道具都吸引咗一個同樣喺度接機既香港人傾下計，感覺好好。

見啲人陸續出黎，左盼右顧，6:00am 左右，我地等既一家人終於推住兩車大行李出黎啦🎉🎉

因為早上交通無咁繁忙，由Heathrow 上Chester 三個小時就可以了，中間停咗一次喺service station 休息。到咗Chester 我地帶佢地一家人買呢10日家居隔離既必需品、清潔用品，教佢地點樣由屋企行去超級市場。返到屋企，教佢地點樣check gas, water 同electricity meter, 仲有屋企咁多條keys 邊條開咩門，有咩要特別注意，例如後門每晚一定要鎖，點用屋企既防盗，garden 除草工作有咩要注意既地方。做好唒交接工作，我地幫手砌埋張床先走，期間小朋友似乎玩到不亦樂乎，一啲都唔似坐完飛機✈️

一早起身去接機，到了晚上可以喺酒店大覺瞓，超開心🥳非常充實既一個trip，而且從大人同小朋友既反應，大家都好鐘意間屋同環境，咁之前呢6個月黎做既所有野就有意義啦！