我離開香港前未做的一件憾事 - 考車

說到這個就一定是在香港沒有考車牌了。如果當年考了，就可以直接換英國車牌了。這麼多年來斷斷續續在倫敦都有學，但就是沒有去考。每次同居英的香港朋友提起，大家都話係香港好易考呀，什麼駕駛學院，包考到乜乜乜，但，點再抽時間回香港學呢？無一兩個月都考不到啦，所以不可行。

喺倫敦學，教車的質素很參差，雖然都有駕駛學院，但大多在較遠的地方，去個駕駛學院都要1小時，很多時候還是直接找local教車師傅比較化算。佢直接去你家接你，又送你回來，save time save 車費。問題係不是每個教車師傅都會去你住個區，所以最後黎黎去去可能都係得個幾十個可供選擇。聽落好似好多，但教自動波的很少。呀，對，忘了説，我只想學自動波。

教自動波的師傅很少，這是全國現象，英國人就是喜歡manual car, 加上manual car的維修保養易又平，auto car如果個gear 壞了，就很貴了。又加上學了Manual car 就可以開auto car, 但只學auto car係開不了manual car. 這個香港人都很明。但，我就係對學manual 無信心。

學車係一個skill, 喺英國學，教你的又講英文，正常英文交流很好，但學車時會緊張，又始終不是香港，總之就係覺得學易啲既auto已經夠難，無咩必要再提升難度去學manual. 結果，我能選擇的教auto的師傅、又教我呢區的就很少了。

結局係非常悲慘。24歲第一次學車，遇著個師傅係白人，中年男人，學了十多堂吧，欺負得我很緊要，繞來繞去都係開同一條街，倒車什麼的都無教，係，我係傻，我覺得佢都覺我傻，我都覺我當年係傻，所以佢先一直要我交錢又無點教我咩。而最嚴重的事，可以歸納去me too movement了，簡單來說就是毛手毛腳吧，最後我係去報警的，落口供，排了一年半的期終於入法院，當年還要從愛丁堡飛回倫敦上庭。上庭對方律師提問了我三個小時，一直try to wear me down 嗯，意思係一直問來問去，話這些事從未發生過，全是我老作出來，使我疲憊，影響我的回答。最後呢，因證據不足，告不入 (好氣)。不過我從中學了很多，現在能寫出來，我覺得我也成為了更有自信的人。

講返學車吧，還是一個on going project. 新找的教車師傅是個女士，越南華僑，可用廣東話交流，不過COVID 19我都停了沒有再學。學車對我黎講屬於有生之年系列，希望大家不會有我的經驗。

正常的情況下，其實在英國學車係好的，特別如果你是男士，這是因爲香港人好多學了車、考了車後都不太敢開。在英國學，你的道路駕駛經驗一定會很夠，佢先俾你考，這是我覺得喺英國學比喺香港學好一點的地方。不過，有機會的話，學咗先移民也好！

如果多了香港人來，不如大家得閒去考個教車師傅牌？自僱人士，又彈性上班，最重要係，可以教我呀 (不用問我點解不讓我老公教，因為我仲未想離婚)