倫敦Cargiant買車記

住喺倫敦咁多年都無去過Cargiant, 呢間dealership 聲稱係倫敦最大間的，位於White City。幾日前，約了先生既親戚一齊去幫手睇車，佢喺附近做維修汽車技工，有自己既garage，所以好方便，佢有時都會接Cargiant 既job, 維修二手車。

一去到只覺得住咗英國咁耐都未見過咁大面積既dealership, 同一型號牌子既車一排又一排。嗰度分咗好幾個zone, 每個zone 負責不同牌子既車，每個zone 都有自己既reception，員工非常之多。

個人建議去之前先上網揀定想睇邊架，做咗research 先，否則就咁行入去會眼花撩亂，容易落錯誤決定。行入reception，排隊見counter 職員查詢想睇既車喺邊。搵到了可檢查一下車身，當你企喺度審視架車既時候，通常會有員工行過問你有無需要拎key 睇𥚃面，而通常俾key 你嗰個職員就係最後sell 你買嗰個。

攞到key就可以睇車頭既engine 位，可以試車內既function, make sure 車頭車尾燈都著。因為認識mechanic 既關係，每件小問題(通常買二手車都會有) 都可以清楚知道如果要整大概幾錢，又值不值得買。唯有一點，Cargiant 不準試車，但可以喺俾錢後24小時內隨便揸70 miles, 如果不喜歡，可以帶返黎，全數refunded， 揸過咗70 miles 就每mile £1，當然我相信喺佢願意refund 俾你前都一定會sell 你試多架😂

Check 過唒，知道架車有少少問題，但不大，就可以入去reception 坐底談判了。因為不是第一次買車，所以很明白呢個先係最關鍵既時候，基本上就係講價，要隨時做好準備起身離開，半個pat pat 離開張凳可以試下對方態度有幾硬。就我當時所見都有好多家庭同salesman 處於膠着狀態, 通常呢個時候，個salesman 會離開一陣，再回來大家再傾過。

由決定買，俾咗£200 訂後都要兩個小時先可以collect 架車，要做清潔、文書處理。可以想像好多人會花一整天喺度。期間如果你餓，Cargiant 裡面有間餐廳, 只此一家，其他choices 有少少遠，所以無考慮。

拎車喺collection point, 入到去要先登記，等叫名，有少少似排隊睇醫生😅 當時見到兩個香港家庭都喺度，雖然無打招呼，但睇得出係new arrivals。之後就係俾錢，買insurance 同俾road tax之後先可以拎車，但一切順利，大家黎到英國有需要買車的可了解下呢邊買車既程序😊

下一篇: 英國公路 services