倫敦租車 Zip Car去最大韓國超市!!

沒有update 一個星期, 因為真的很忙，但放心，健健康康，無COVID。

呢兩日稍為無咁忙，又好掛住中國菜，好想食火鍋同點心（實際上我已經9個月無飲過茶，好傷心) , 終於”滴”起心肝，去韓超！睇過我之前介紹倫敦new malden 都知我對佢既韓超讚不絕口，星期四晚上我去了H Mart, 強烈推薦大家有機會都去下，New Malden 仲有Korea Food, 都係好大間的韓超，但不夠H Mart 勁。你去過一次，就會愛上，又大，又乾淨，又整齊，唔知點解，倫敦很多中超都不夠整齊，點講呢，有啲似香港屋邨超市，都ok 既，要搵咩都搵到既，但總係有時有啲箱喺度擋咗少少路，㵂住啲位，倫敦大部分既中超都係有呢個feature, 可能係地方不夠？就好似香港大部分屋邨超市比不上一田同city super 嗰種整齊，倫敦無咩邊間比得上H Mart.

坦白講，H Mart 離家有啲距離，我們最後決定租zip car去。倫敦租共享汽車好方便，最岀名係zip car，你喺倫敦一定見過，車身大大隻字寫住。只要你有valid driving license 同create 咗個account 就可以了。共享汽車同共享單車既理念係一樣的，都係不需擁有。zip car 無需你維修保養、俾tax 等等。個app 會話俾你知，你週圍有無zip car available, zip car 都有分幾種，一種係你A去B，你喺B度drop off 架車就可以，喺街pick up ，喺街還車。一種係你喺A 點pick up 你要返黎A 點還車。

租金按每小時計算，細既車£8/hour, medium size £9/hour，油費、保險已包。zip car 上有一張bank card, 供租車人士入油用，好clever, 還車時通常要夠半缸油，俾下一手用。

如果你見到你附近有架Zip car，你可以早日先book，但收費可能會貴啲(我們未試過)。我比較隨緣，都係當日想做某件事，當日有車就做（共享汽車星期六日比較popular)。通常見有車，可lock 佢15分鐘，15分鐘內要到達架車度租走。

開走之前都有個步驟，就係要睇睇車身有無明顯損毀，花咗，有既話車內有本zip car簿，你可睇下上一手有無寫低呢啲damages, 有既你完全不用煩，開走就得了。無既話，即係有可能上一手造成了呢啲damages, 咁你唔想食死貓，就要打去zip car 度report 你見到既damages, 再寫返入簿就可以了，放心，你report 咗就係保障自己，唔會叫你找數。

我們租咗zip car 幾年，無咩大問題，一開始覺得下下打去report damage 有啲煩，但習慣了又覺得無咩，而且check 得啲車多，我覺得我經驗多咗一睇都知啲mark係唔乾淨，定真係花咗，如果有一日再做車主，特別係二手車，可以同個sales 講你架車邊度有issues，講下價

講返H Mart，實在太好，仲有日本出既麵，有啲日本貨我只係喺Japan Centre (好出名，一定要去）見過，大部分中超都無，H mart 有 買咗好多火鍋料，仲有早餐食品燒賣、珍珠雞、菜肉包、腸粉我仲買咗啲小食，都係平時買唔到，太開心了！

話說我老公只係識講唔該、多謝、食飯，但食既詞彙特別多，暫時識講燒賣、蝦餃、糯米飯、燒肉、叉燒、腸粉、河粉。。。都係佢鍾意食既，最唔鐘意我煲湯，有次我煲猴頭菇湯，唔識translate ，我話係monkey brain mushroom soup, 從此佢覺得我煲親湯都好重口味

Anyway, 打邊爐時間！