三寶學英文
話說三寶黎咗英國都兩個幾月，自己外出都叫做可以，我覺得係時候鼓勵佢地去學下英文。暫時三寶中，外婆暫時無打算學英文，所以我先幫父母了解下。其實一個月前我都有同council 了解過，但無行動。
我呢邊最近既圖書館無英文班，但坐一程巴士就可以去另一個圖書館，呢一間圖書館每逢星期三都有英語會話班，免費，係俾一啲想訓練日常對話既人有機會講下英文、識下人。
然後十二月開始有兩堂教寫CV 班，同樣免費。喺英國，有時搵下義工做都要有CV, 都算common, 所以了解下都好。
然後仲有一個ESOL 英文班，呢個英文班應該最有用，係會持續上幾個月完成一個課程。ESOL 全名係English for Speakers of Other Languages，全倫敦好多council or 機構都會提供課程，有時免費，有時要俾錢。有啲機構會講明住咗倫敦三年先可以免費，有啲又好似無咁嚴格。如果你有興趣，不妨先問一下相關機構，因為開班時間不同，如果錯過咗，可能要等幾個月到下一班開前先可以報，如果太多人報，可能會被安排上waiting list 😊
今日會係第一次去上會話班，希望佢地會適應同enjoy 啦！